Umarov Iskandar Gayratovich

“Ammofos-Maxam” AJ boshqaruvi raisi 

Қабулхона: +998781504141

Девонхона: +998781507284

Матбуот хизмати: +998559000111

Ишонч телефони: +998559000111

Электрон почта манзили: info@ammofos-maxam.uz

EXAT почта манзили: ammofos@exat.uz

Манзил: 110100, O'zbekiston Respublikasi, Toshkent viloyati, Olmaliq shahri

«Аммофос-Махам» АЖ – Ўзбекистон Республикасининг Қизилқум фосфоритларидан мураккаб азот-фосфорли минерал ўғитлар ишлаб чиқарувчи йирик корхоналардан биридир. Ушбу корхона «Ўзкимёсаноат» акциядорлик жамияти таркибига киради ва мамлакатнинг кимё саноати соҳасидаги етакчи ишлаб чиқарувчилардан ҳисобланади. Корхона саноат майдони Олмалиқ шаҳрида жойлашган. Корхонанинг умумий майдони 522,5 гектарни ташкил этади. «Аммофос-Махам» АЖнинг географик жойлашуви ва қулай транспорт тармоғи, ишлаб чиқаришнинг самарали ва рақобатбардош бўлишини таъминлайди. Ушбу корхонанинг маҳсулотлари нафақат Ўзбекистонда, балки халқаро бозорда ҳам талабгор бўлиб, мамлакатнинг қишлоқ хўжалиги ва кимё саноатига катта ҳисса қўшмоқда.
1969-йил 18-декабрда экстраксион фосфор кислотаси (ЭФК) ва аммофос ишлаб чиқаришнинг биринчи босқичи ишга туширилди. Жаҳон амалиётида илк маротаба 24,5% фосфор ангидридини (P2O5) ўз ичига олган Қоратоғ фосфоритларидан донадорланган аммофос ишлаб чиқариш технологияси ўзлаштирилди. 1973-йилда иккинчи навбат, 1978-йилда эса ишлаб чиқаришнинг учинчи навбати ишга туширилди. 1980-йилда корхонанинг иккинчи навбатида реконструкция ишлари амалга оширилди.
1992-йил февраль ойида Олмалиқ кимё заводи Олмалиқ «Аммофос» ишлаб чиқариш бирлашмасига, 2001-йил август ойида Очиқ Акциядорлик Жамияти – «Аммофос» ОАЖга ўзгартирилди. 2008-йилда «MAXAM International S.L.U» хорижий компанияси корхона акцияларининг 49 фоизини сотиб олди. Бу ўзгариш натижасида корхона номи «Аммофос-Махам» ОАЖга ўзгартирилди, у «Аммофос» ОАЖнинг ҳуқуқий вориси бўлиб, бу ҳақда Тошкент вилояти ҳокимлиги Адлия бошқармасининг 2009-йил 19-февралдаги 322-сонли гувоҳномаси берилган. 2014-йилда «Аммофос-Махам» ОАЖ «Аммофос-Махам» АЖ деб қайта номланди. Қайта рўйхатдан ўтиш Тошкент вилояти Адлия бошқармаси томонидан амалга оширилди ва бу ҳақида 2014-йил 22-октябрдаги 159-сонли гувоҳнома берилган.